Loading

三合院 戀戀曾文溪 馬哈繪本系列 第 1 集

1 1 1 年 7 月 2 4 日 星期天

上午10:00首播、晚上9:00重播

曾文溪電台FM89.9 (可線上收聽)

馬哈繪本

很久很久以前 有一座三合院

(原版)我住在濁水溪畔的三合院,三合院是我的老城堡,既高大又牢固,院落外的田野,就是整個世界,我從未想過遠離,我相信自己將和所有人一樣,在院子裡度過一生,直到像我們的太公和阿太,變得又黑、又皺、又老。

(台文版) 我蹛佇濁水溪邊的祖厝,三合院是我的老城堡,又閣大又閣堅固,埕外口的田園野外,就是規个世界,我從來毋捌想過欲離開,我相信家己以後會佮所有的人仝款,佇這个埕裡度過一生,一直到親像阮的太公佮阿太,變甲又閣烏,又閣皺,又閣老。

(原版)白天的三合院好寂寞,大人都下田去了,稻埕上空盪盪,只有陽光轟轟作響,鴿寮裡的鴿子咕咕咕,更顯得院子好寂靜阿!

(台文版) 日時的三合院真孤單,大人攏去作穡矣,稻埕放空營,干焦賰日頭佇咧噁噁嚷,粉鳥櫥內底的粉鳥kok kok叫,門埕內恬啁啁攏無人應聲。

台文轉譯:顏之群 / 校正:韓滿

文化部影視及流行音樂產業局 指導

曾文溪廣播電台股份有限公司 製作

繪本授權:馬哈的箱子

片尾曲:「美麗島」選自《閒》專輯

音樂提供:上揚唱片、韻順唱片、魏吟冰

本集節目製播人員:

  • 繪本讀念:林雨靜 (華語)
  • 繪本讀念:葉怡欣 (台語)
  • 廣播劇故事原著:曾淑娟
  • 廣播劇編劇:賴嘉仕
  • 劇本台文校正:夏玉華
  • 廣播劇演員:阮俊嘉、高欣宜、李彤恩、阮采妍、阮詩庭、李品逸、蘇聖富、陳義儒、古奇芬、林孟融、黃昱閔、林子瑋、林瑞崐、陳雅芬、陳美雲、張易軒
  • 廣播劇旁白:賴嘉仕
  • 親子單元:鄭驊、小海豬
  • 文史單元:沈逢吉
  • 台語單元:蕭藤村
  • 徵文作品:吳添義
三合院的記持徵文作品

吳添義 (雲林縣土庫鎮)

講著三合院就予我想起六十偌冬前囡仔時代的記持,彼時陣穿開跤褲仔,無煩無惱每一工攏是和囡仔伴走相逐、覕相揣、耍黏塗、奕尪仔標、幌跳索仔、灌蟋蟀仔。耍甲歸身軀動汗,都攏毋知影忝!

較大漢的時陣爸母佇市場內開麵擔仔,生理誠無閒,攏嘛愛鬥相共。阿公阿媽佮阿爸佇咧顧擔招呼人客。阿母佇厝內攢貨、洗衫、煮飯、煠麵、切菜、滷豬肉、炊米糕閣愛擔水、擔粗糠。做一寡仔厝內面後勤的工課,嘛誠無閒!

我和大兄攏愛去麵擔仔鬥洗碗,因為做生理潘水濟,護龍有豬牢嘛飼了正十隻豬,我和大兄攏愛用潘桶扛潘轉去飼豬。有時陣阿母會去蕃薯園割蕃薯葉仔轉來豉豬菜,我和大兄攏愛peh起來紅毛塗甕仔頂踏豬菜,一沿蕃薯葉仔一沿鹽佮米糠踏踏咧,連紲做幾若遍做甲甕仔滇,按呢叫做豉豬菜!

門口埕嘛有飼一寡仔精牲仔:有火雞、鵝仔、鴨仔、雞仔嘛有飼一隻狗仔佮兩隻貓仔。因為大灶燃粗糠,火烌有夠濟,愛共火烌抔去厝角頭的糞埽堆,才扛豬屎尿去沃糞埽堆漚肥,漚肥一段時間了後,就倩阿舅用牛車載糞埽肥去蕃薯園下肥,蕃薯若咧收成厝邊兜攏會來鬥相共,蕃薯若摒了攏會提一寡仔去分予厝邊頭尾,老厝邊逐家嘛攏誠歡喜。

時間敢若射箭仝款過著誠緊,目一下𥍉六十偌冬已經過--去!回想過去心頭真誠糖甘蜜甜。三合院啊三合院你是我的記持,我永遠都攏未袂記得~~~

徵文活動入選者 吳添義 先生
Created By
曾文溪電台 FM89.9
Appreciate

Credits:

繪本/馬哈的箱子 相片/吳添義