ܪܹܫ ܟܠܵܢܵܝܵܐ ܢܝܼܢܸܒ ܠܵܡܲܣܘܼ

ܫܸܬ̣ܝܹ̈ܐ ܘܕܘܼܠܹ̈ܐ ܦܬ̣ܝܼܟܲܬ̣ ܐܲܡܢܹ̈ܐ ܫܲܦܝܼܪܹ̈ܐ ܝܠܵܗ݁ (1)، ܐܵܘܟܹܝܬ̣ ܚܵܒ̣ܫܵܐ ܠܟܠܲܝܗܝ ܐܲܡܢܹ̈ܐ ܘܒܲܚܕ݂ܵܐ ܐܘܼܪܚܵܐ ܕܝܼܠܵܢܵܝܬܵܐ. ܦܬ̣ܝܼܟܲܬ̣ ܐܲܡܢܹ̈ܐ ܝܠܵܗ̇ ܒܗ̇ܝ ܕܚܲܕ݂ ܡܵܚܘܿܪܵܐ ܒܸܕ ܠܵܚܹܫ (2) ܠܡܲܚܪܹܗ ܒܢܵܬ̣ܵܐ ܕܚܲܕ݂ ܪܵܫܘܿܡܵܐ ܘܗ̇ܘ ܪܵܫܘܿܡܵܐ ܒܸܕ ܪܵܫܹܡ ܠܹܗ ܡܲܚܪܵܐ ܕܲܫܡܝܼܥ ܠܹܗ ܥܲܠ ܚܕ݂ܵܐ ܠܘܼܚܵܐ. ܚܲܪܬ̣ܵܐ ܗ̇ܘ ܪܵܫܘܿܡܵܐ ܒܸܕ ܡܲܚܘܹܐ ܠܵܗ̇ ܠܘܼܚܵܐ ܕܲܪܫܝܼܡܵܐ ܠܹܗ ܠܚܲܕ݂ ܡܢܲܩܫܵܢܵܐ (3) ܘܗ̇ܘ ܡܢܲܩܫܵܢܵܐ ܒܸܕ ܢܵܩܹܫ ܚܲܕ݂ ܡܸܢܕܝܼ ܒܘܼܕ ܗ̇ܝ ܠܘܼܚܵܐ (ܕܠܵܐ ܫܡܵܥܬܵܐ ܐܵܘ ܩܪܵܝܬܵܐ ܕܗ݁ܘ ܡܲܚܪܵܐ ܩܲܕ݂ܡܵܝܵܐ). ܘܗܵܕܟ̣ܵܐ ܟܠ ܚܲܕ݂ ܐܲܡܢܵܪܵܐ (4) ܒܸܕ ܠܵܚܹܫ ܠܐܲܡܢܹܗ ܒܢܵܬ̣ܵܐ ܕܚܲܒ̣ܪܹܗ ܐܵܘ ܡܵܘܬܸܒ̣ ܠܠܘܼܚܹܗ ܩܕ݂ܵܡ ܚܵܘܪܵܐ (5) ܕܚܲܒ̣ܪܹܗ ܕܒܵܪܘܿܝܘܼܬ̣ܵܐ (6) ܕܣܵܦܪܹ̈ܐ ܘܐܲܡܢܵܪܹ̈ܐ ܡܵܙܓ̣ܵܐ (6) ܒܲܚܕܵܕܹ̈ܐ ܒܗ݁ܝ ܟܲܕ݂ ܗ݁ܝ ܐܘܼܪܚܵܐ ܕܙܵܩܹܪ ܚܲܘܵܟܵܐ (7) ܠܫܸܬ̣ܝܹ̈ܗ ܘܕܘܼܠܹ̈ܗ ܒܢܵܘܠܵܐ (8) ܘܝܵܗܹܒ̣ ܠܲܢ ܚܕ݂ ܙܩܘܿܪܵܐ ܡܠܲܚܡܵܐ

1. Multi-disciplinary fine arts 2. Whisper 3. Instrument player 4. Artist 5. Sight 6. Creativity 7. Weaver 8. Weaving loom

ܢܩܫܬܐ ܕܠܐ ܥܠܘܝ

ܫܝܐ ܕܩܫܬܝ

ܓܪܕܢܐ ܕܫܡܐܝܠ

ܒܝܲܕ: ܓ̰ܵܡܝܼܠ ܐܲܠܓ̰ܵܡܝܼܠ

ܡ̣ܢ ܥܲܝ̈ـܢܵܬ̣ܵܐ ܕܐܲܒ̣ܵـ̈ـܗܵܬܲܢ ܟܝܵܥܠܸܚ (1) ܒܐܘ݂ܪ̈ܚܵܬ̣ܵܐ

ܕܦܵܘܚܵܐ ܘܲܟܪܵܚܫܸܚ

ܠܕܘ݂ܟ̈ܝܵܬ̣ܵܐ ܕܛܲܪ̈ܦܹܐ

ܕܠܲܝܬ ܗܘܵܐ ܠܗܹܝܢ ܚܲܒ̣ܪ̈ܵܘܵܬ̣ܵܐ ܕܫܸܬܩܵܐ

ܒܲܕܲܡ ܐܲܚܢܲܢ ܡܘ݂ܪܚܸܫ ܠܲܢ ܦܵܘܚܵܐ ܘܡܘܼܢܦܸܠܔ ܠܲܢ ܛܲܪ̈ܦܹܐ؟

ܩܵܐ ܡܵܘܕܝ݂ ܠܵܐ ܟܢܵܦܠܝ݂ ܡ̣ܢ ܥܲܝ̈ـܢܵܬܲܢ

ܐܘ݂ܪ̈ܚܵܬܵܐ ܕܫܸܡܐܹܝܠܔ؟

ܘܗ̇ܝ ܟܡܲܢܛܸܦܵܐ ܕܸܡܵܢܲܝ̈ܢ (2) ܠܐܘ݂ܪ̈ܚܵܬܵܐ ܕܲܒܪܝ݂ܬܵܐ؟

ܩܵܐ ܡܵܘܕܝ݂ ܟܸܡ ܡܥܲܠܩܸܚ ܨܘ݂ܪ̈ܝܵܬܲܢ ܕܲܟܡܲܫܗܝܼ (3) ܠܓܘ݂ܕܵܢܹ̈ܐ ܡ̣ܢ

ܢܘ݂ܟ̣ܪܵܝܬܘ݂ܬ̣ܵܐ ܕܩܸܛܠܵܐ؟

(4) ܟܚܵܠܡܸܚ ܒܫܘ݂ܩ̈ܝܵܬܵܐ

ܕܲܟܦܵܬ̣ܚܝ݂ ܐܝ݂ܕܵܬ̣ܗܹܝܢ ܕܠܵܒ̣ܫܝ݂ ܠܲܢ

(5) ܘܲܟܒܵܝܙܝ݂ ܥܲܠܔ ܓܵܘܵܝܵـ̈ܬܲܢ ܐܘ݂ܒܪܵܐ ܘܲܒܪܵܬ̣ܵܐ

ܟܚܵܠܡܸܚ ܘܐܲܚܢܲܢ ܟܥܵܒ̣ܕܸܚ ܡ̣ܢ ܥܲܦܪܵܐ

(6) ܠܲܚܡܵܐ ܘܒܲܝܬܵܐ ܘܐܲܠܵܗܵܐ ܘܬܲܫܬܥܝ݂ܬܵܐ ܘܣܵܦܪܘ݂ܬܵܐ ܘܥܲܝ̈ـܢܵܬܵܐ ܛܵܐ ܫܲܗܵܪܹ̈ܐ

ܟܚܵܠܡܸܚ ܕܡܵܘܟ̣ܠܸܚ ܩܲܛܵܠܲܢ ܠܲܚܡܵܐ ܕܢܝ݂ܢܘܵܝܬܵܐ

ܘܗ̇ܝ ܟܦܵܪܣܵܐ ܫܸܛܪܵܢܵܗ̇ ܗܵܠܔ ܬܸܫܥܵܐ ܐܲܠܦܹ̈ܐ ܫܸܢܹ̈ܐ ܨܸܗܝܵܐ

ܒܲܪܬܵܐ ܕܫܸܡܐܹܝܠܔ ܟܡܲܫܬܸܝܵܐ ܠܝ݂ ܡ̣ܢ ܪܘܼܚܵܗ̇ ܘܥܲܝ̈ـܢܵܗ̇

ܕܡܲܢܸܫܝܵܐ ܠܝ݂ ܩܸܛܠܵܐ ܘܲܥܪܵܩܬܵܐ ܘܢܘ݂ܟ̣ܪܵܝܬܘ݂ܬ̣ܵܐ ܘܚܲܫܵܐ

ܠܒ̣ܝ݂ܫܬܵܐ ܚܘ݂ܓ̰ܵܬܵܐ (7) ܡܣܘܿܩܠܹ̈ܐ ܒܓܘ݂ܫܡܵܐ ܕܲܢܒ̣ܝ݂ܹ̈ܐ

ܘܲܡܙܘܿܩܪܹܐ ܒܪ̈ܘ݂ܫܡܹܐ ܕܦܸܪܕܲܝܣܵܐ

...ܘܲܪ̈ܘܝ݂ܚܹܐ ܐܲܝܟ̣ ܐܘ݂ܪ̈ܚܵܬܵܐ ܪ̈ܲܚܘ݂ܩܹܐ

1. We enter 2. Our bloods 3. Tire 4. Shirts 5. Sweet clover, which is used for medicinally in Baghdede 6. Blind 7. Clothing

ܬܪܡܝܬ̣ܐ ܕܒܝܬ̣ ܐܪ̈ܟܐ ܕܐܫܘܪ ܒܢܝܦܠ

ܫܘܼܬܐܵܣܵܐ ܕܐܝܼܬܘܼܬܝܼ ܡܲܩܘܿܡܹܐ ܝܠܹܗ ܙܘܼܙܹ̈ܐ ܕܒܵܢܹܐ ܚܲܕ ܒܹܝܬ̣ ܐܲܪ̈ܟܹܐ ܩܵܐ ܒܢܲܝ̈ ܐܘܼܡܬܲܢ ܐܵܬܘܿܪ̈ܵܝܹܐ ܓܵܘ ܕܸܫܬܵܐ ܕܢܝܼܢܘܹܐ، ܕܝܼܠܵܢܵܐܝܼܬ ܓܵܘ ܒܲܓ̣ܕܹܝܕܹܐ: ܗ݁ܝ ܕܚܲܕܬܵܐܝܼܬ̣ ܕܥܝܼܪ ܠܹܗ ܥܲܡܵܗ݁ ܡ̣ܢ ܒܵܬܲܪ ܕܕܵܥܹܫ ܟܒ̣ܝܼܫܵܐ ܠܵܗ݁ (1) ܘܡܘܿܩܸܕ݂ ܠܵܗ݁ ܘܲܫܒܹܐ ܠܵܗ݁ (2) ܠܟܠ ܡܸܢܕܝܼ. ܐܲܝܵܐ ܚܕܵܐ ܬܲܪܡܝܼܬ̣ܵܐ ܝܠܵܗ݁ ܕܫܵܘܝܵܐ ܠܐܝܼܩܵܪܵܐ ܘܝܲܬܝܼܪ ܡ̣ܢ ܐܝܼܩܵܪܵܐ ܫܵܘܝܵܐ ܠܪܘܼܫܡܵܠܵܐ ܐܵܟܹܝܬ ܣܢܵܕܬܵܐ ܙܘܼܙܵܢܵܝܬܵܐ

ܘܐܲܚܢܲܢ ܒܕܵܘܪܲܢ، ܐܲܝܟ̣ ܡܢܲܨܚܵܢܹ̈ܐ ܕܐܲܝܵܐ ܡܓܲܠܬ̣ܘܿܢܬܵܐ ܘܐܲܝܟ̣ ܡܫܵܘܬܦܵܢܹ̈ܐ ܓܵܘܵܗ݁، ܒܥܵܝܵܐ ܝܘܸܚ ܡܸܢܵܘܟ̣ܘܿܢ ܕܕܵܒ̣ܚܝܼܬܘܿܢ ܗ݁ܘ ܡܵܐ ܕܡܵܨܝܼܬܘܿܢ ܕܵܒ̣ܚܝܼܬܘܿܢ ܠܹܗ ܕܲܡܥܲܕܪܸܚ ܠܫܘܼܬܐܵܣܵܐ ܕܐܝܼܬܘܼܬܝܼ ܕܡܲܝܬܹܐ ܠܐܲܝܵܐ ܬܲܪܡܝܼܬܹܗ ܠܐܝܼܬ̣ܘܼܬ̣ܵܐ.

ܐܲܚܢܲܢ ܦܪܵܣܵܐ ܝܘܸܚ ܠܐܲܝܵܐ ܡܓܲܠܬ̣ܘܿܢܬܵܐ ܩܵܐ ܠܵܘܟ̣ܘܿܢ ܡܲܓܵܢܵܐܝܼܬ̣ (3) ܘܢܝܼܫܲܢ ܠܵܐ ܝܠܹܗ ܕܩܵܢܹܝܚ ܙܘܼܙܹ̈ܐ ܘܲܡܙܲܒܢܸܚ ܠܵܗ݁. ܢܝܼܫܲܢ ܝܼܠܹܗ ܦܪܵܣܬܵܐ ܕܠܸܫܵܢܲܢ ܘܲܙܪܵܥܬܹܗ ܓܵܘ ܠܸܒܵܘ̈ܵܬ̣ܵܐ ܕܩܵܪ̈ܘܿܝܹܐ، ܐܝܼܢܵܐ ܚܫܵܒ̣ܵܐ ܝܘܸܚ ܐܵܠܨܵܝܬܵܐ ܝܠܵܗ݁ ܕܕܵܒ̣ܚܝܼܬܘܿܢ، ܐܸܢ ܡܵܨܝܼܬܘܿܢ، ܩܵܐ ܫܘܼܬܐܵܣܵܐ ܕܐܝܼܬܘܼܬܝܼ ܠܡܲܝܵܬ݇ܝܬܵܐ ܠܐܲܝܵܐ ܬܲܪܡܝܼܬܲܝܗܝ ܠܐܝܼܬ̣ܘܼܬ̣ܵܐ.

ܣܛܲܪ ܡ̣ܢ ܐܲܝܵܐ: ܐܸܢ ܡܲܚܘܿܒܹܐ ܝܬܘܿܢ ܠܠܘܼܚܵܐ ܕܐܵܣܝܼܬ̣ܵܐ ܡܲܪܝܵܢܵܐ ܡܲܪܩܘܿܣ، ܒܵܥܹܝܚ ܕܡܵܘܕܥܸܚ ܠܵܘܟ̣ܘܿܢ ܕܡܵܨܝܼܬܘܿܢ ܙܵܒ̣ܢܝܼܬܘܿܢ ܠܵܗ݁ ܘܟܠܲܝܗܝ ܙܘܼܙܹ̈ܐ ܕܐܵܬܝܼ ܡ̣ܢ ܡܙܲܒܲܢܬܵܗ݁ ܒܸܕ ܐܵܙܠ݇ܝܼ ܩܵܐ ܫܘܼܬܐܵܣܵܐ ܕܐܝܼܬܘܼܬܝܼ ܘܬܲܪܡܝܼܬܹܗ ܕܒܹܝܬ̣ ܐܲܪ̈ܟܹܐ ܕܐܵܫܘܿܪ ܒܵܢܝܼܦܲܠ

1. Occupied 2. Looted 3. Free