"ფოტოგრაფია არის იარაღი იმისთვის, რომ გააშუქო ის უსამართლობა, რომლის წინაშეც ჩვენ ვდგავართ! " - იური მეჩითოვი

"ფოტოგრაფი არ იღებს წამს, ფოტოგრაფი იღებს უსასრულობას!" - იური მეჩითოვი

ცნობილი „შავ - თეთრი“ კადრების ოსტატი იური მეჩითოვი დაახლოებით 9 – 10 წლის იქნებოდა, როდესაც ბებიამ 13 მანეთად პირველი კამერა სახელად - „სმენა2“ უყიდა.

პირველი კამერა - "სმენა 2"

მაშინ პატარა იურის უხაროდა, რომ მის ცხოვრებაში გამოჩნდა სრულიად უცხო და ახალი ნივთი. თუმცა, მაშინ არც კი იცოდა, რომ ფოტოკამერა მისი განუყრელი მეგობარი და სასაუბრო ენა გახდებოდა.

"ფოტოგრაფის მთავარი ინსტრუმენტი თვალებია"

აშკარაა, რომ ბატონი იური ფოტოგრაფიის ენით გვესაუბრება. მის ფოტოებში ასახული „ყოფიერების აუტანელი სიმსუბუქე“ მარტივს და ძალიან ღრმას ხდის თითოეულ კადრს. იური მეჩითოვის ფოტოისტორიას მისივე ციტატებით მოგითხრობთ.

"გონება, თვალები და კამერა - ჩემი მთავარი იარაღია!"

იური მეჩითოვი - " მახსოვს ჩემი გადაღებული პირველი სურათი. იმ დროს მთავარი ფოტო ობიექტი ქვიშაში ჩაფლული ჩემი პატარა ძმა იყო. კამერა რომ არა, დღეს ჩემს გონებაში ყველა მოგონება წაშლილი იქნებოდა.

ყველაზე დიდ სიამოვნებას პორტრეტის გადაღებისას ვიღებ. ადამიანის შეცნობა - გაცნობა და ურთიერთობის დამყარება უდიდესი ხელოვნებაა. ზუსტად ამ მომენტში ფოტოაპარატი არის საუკეთსო იარაღი, რომელიც წამის მეასედის გახანგრძლივებაში მეხმარება!“

"თვალები არის ყველაფრის მეტყველი"

იური მეჩითოვის თვალით დანახული ადამიანების პორტრეტი

"სილამაზე , შემოქმედება და შთაგონება - უდიდესი ხელოვნებაა"

"ხელოვნება მოდის სიგიჟისგან"

"ხელოვნების მთავარი მამოძრავებელი ძალა არის კომპლექსების დაძლევა!"

"სიცოცხლეა ხელოვნება"

" ადამიანი, რომელიც ჩემს ნამუშევრებს შეხედავს, მინდა იგრძნოს თუ რა მშვენიერია ეს სამყარო და, ამავდროულად, რა საძაგელი. "

"ადამიანებს ერთმანეთთან კომუნიკაცია გვჭირდება - ხშირად უნდა დავსვათ მხოლოდ ერთი კითხვა - დახმარება ხომ არ გინდათ?"

"ჩვენი სიტყვებით შეგვიძლია მივაწოდოთ ერთმანეთს ყავარჯენი, რომ წამოვდგეთ!"

"უნდა დავეხმაროთ ერთმანეთს, რომ გავუძლოთ ამ ცხოვრებასა და მის წნეხს."

გოეთეს ფორმულა - " შეჩერდი წამო, მშვენიერ ხარ ''

ფოტოგრაფი არ იღებს წამს, ფოტოგრაფი იღებს უსასრულობას! ერთ მეასედ წამში თუ შექმნი მარადიულობას, იქ ხარ მაგარი!

მუსიკა და ხელოვნება ცალ - ცალკე არ არსებობს. მუსიკა ყოველთვის მეხმარება ფოტოს არჩევაში, მის გარეშე არ შემიძლია!

"ფოტოგრაფია - ეს არის შემოქმედებითი ხელოვნება."

ფოტო ქმნის და გვახსენებს ისტორიას. ის რაც ერთხელ კადრში გაჩერდა - ვერასდროს წაშლი. ერთმა ფოტომ 9 აპრილის ტრაგიკულ მოვლენებს თავისი სიმბოლოც კი შეუქმნა - დროშიანი გოგო. თუმცა, ცოტამ თუ იცის, რომ ამ ფოტოს ავტორი იური მეჩითოვია.

" ჩემთვის ტაბუდადებული თემაა 9 აპრილი, მაგრამ გეტყვით, რომ გოგონა დროშით უეცრად გადაღებული ფოტოა.

მახსოვს, მირიან კილაძის მანქანაზე ავედი, რომ ეს კადრი დამეფიქსირებინა ..."

" ფოტოებით ვიხსენებ ისტორიებს"

"ფოტოები გვინახავს წამებს"

"წამში დაჭერილი კადრი, ისტორიას თუ ახსოვს მხოლოდ..."

"ფოტოხელოვნება არ ისწავლება!"

კამერიდან დანახული რეალობა

"სერგო ფარაჯანოვმა ბევრი რამ მასწავლა, რაც მთავარია მან მასწავლა სიგიჟე"

"სიგიჟეშია მხოლოდ თავისუფლება!"

სერგო ფარაჯანოვი

სერგო ფარაჯანოვმა მითხრა - "შენ თუ ვნებით არაფერს გააკეთებ, ვერც ვერაფერს მიაღწევ ცხოვრებაშიო ..."

"უნდა გააკეთო ბევრი და ყველაფერიც კი, რომ იგრძნო ვნება და სიგიჟე!"

ფარაჯანოვის გაცნობამდე უბრალოდ კადრის დამჭერი ვიყავი, ხოლო გაცნობის შემდეგ, რაღაცის დადგმა, ამის შეგრძნება და მოწყობა ვისწავლე. ამ ურთიერთობიდან მთავარი მონაპოვარი ერთი კადრით ემოციური სიგიჟის შექმნაა.

"და ბოლოს - რამის გაკეთების სურვილი თუ გაქვს, თუ რაიმე მთელი არსებით გინდა, არა მხოლოდ ხასიათი, არამედ ვნება და სიგიჟეა საჭირო!"

იური მეჩითოვი დაიბადა ქალაქ თბილისში, 1950 წლის, 10 მაისს. დაამთავრა საქართველოს სახელმწიფო პოლიტექნიკური ინსტიტუტის სამთო ფაკულტეტი 1972 წელს. ის იყო ჰიდრომეტეოროლოგიის ინსტიტუტის ფოტოგრაფი და გაზეთ"ქართული ფილმის" ფოტოკორესპონდენტი. მან 2011 წელს დაარსა და მუშაობდა ლექტორად "მეჩითოვი დეისაძის ფოტოსახელოსნოში", ასევე გახლავთ ორასამდე ჯგუფური და პერსონალური ფოტოგამოფენის მონაწილე საქართველოსა და მის ფარგლებს გარეთ. მუშაობდა მთელ რიგ გამოცემებზე, როგორც დიზაინერი, ფოტოგრაფი და ფოტორედაქტორი.

Appreciate