ܐܲܬܪܝܼ

ܣܵܘܩܵܐ(1) ܝܠܹܗ

.(3)ܘܟܲܚܬܹܗ(2) ܐܸܢܲܩܬܵܐ

ܦܸܩܚܵܐ ܕܬܸܫܪܝܼ ܝܠܹܗ

ܓܚܵܟܵܐ ܒܛܲܪ̈ܦܹܐ ܕܲܟܡܵܫܵܐ ܝܠܲܝܗܝ

.ܘܲܢܬܵܪܵܐ

ܚܙܹܐ ܠܝܼ ܐܲܬܪܝܼ ܢܘܼܢܵܐ

ܣܵܠ݇ܩܵܐ ܒܢܲܗܪܵܐ

ܒܲܦܫܵܪܬܵܐ ܕܬܲܠܓܵܐ ܕܛܘܼܪܹ̈ܐ

(4)ܘܲܪܓ̣ܝ݂ܫ ܠܝܼ ܒܹܗ ܟܲܚܬܵܐ

ܒܟܵܘܪܵܢ(5) ܓܒ̣ܝܼܢܵܐ

ܐܵܘ ܒܲܪܣܲܡܬܵܐ ܕܦܵܠܚܵܐ

.ܢܦܵܠܵܐ ܥܲܠ ܕܸܡܥܝܼܬܵܐ ܕܝܸܡܹܗ.

ܐܲܬܪܝܼ

(6)ܡܲܡܠܠܵܐ ܕܲܥܪܝܼܒ̣ܬܵܐ ܝܠܹܗ

ܕܦܵܪܹܣ ܠܹܗ ܟܵܪܘܿܙܵܐ

،(8)ܡ̣ܢ ܩܪܝܼܚܬܵܐ(7) ܕܲܥܩܵܫܹܗ

ܕܸܡܵܐ ܕܡܲܩܪܸܒ̣ ܠܹܗ ܟܵܗܢܵܐ

(9)ܠܲܨܪ̈ܝܼܟܹܐ

ܡ̣ܢ ܩܕܵܡ ܕܬܵܒܹܪ ܠܲܝܗܝ ܠܠܲܚܡܵܐ

ܐܵܘ ܫܵܪܘܿܬܵܐ ܕܫܲܒܬܵܐ(10) ܝܠܹܗ

(11)ܕܲܚܕܵܐ ܟܢܘܼܫܬܵܐ

.ܕܲܫܒ̣ܝܼܩܵܐ ܐܵܦ ܠܣܵܥܘܿܪܵܗ݁.

ܐܲܬܪܝܼ ܩܸܫܬܝܼ ܡܵܪܲܢ ܝܠܹܗ

(12)ܕܢܵܛܪܸܬ ܠܵܗ݁ ܒܵܬܲܪ ܡܸܛܪܵܐ ܙܪܝܼܒ̣ܵܐ

.ܘܗ݁ܝ ܢܵܫܝܵܐ ܠܘܲܥܕܵܗ݁

ܐܲܬܪܝܼ

ܚܵܡܬܵܐ ܝܠܹܗ

،ܕܚܵܪܫܵܐ ܠܘܼܟ̣ ܒܲܚܙܵܝܬܵܐ ܩܲܕܡܵܝܬܵܐ ܘܛܵܠܩܵܐ

ܢܵܦܠܸܬ ܢܒܵܬܪܵܗ݁ ܕܡܲܫܟܚܸܬ ܠܒܲܝܬܵܗ݁

.(13)ܘܠܵܐ ܡܲܫܟܚܸܬ ܠܹܗ ܬܲܪܥܵܗ݁ ܒܲܝܢܵܬ ܛܒ̣ܵܚܹ̈ܐ

ܝܲܠܕܵܐ ܚܲܕܬܵܐ ܝܠܹܗ

.ܕܡܲܡܝܸܬ ܠܵܗ݁ ܝܸܡܹܗ ܒܲܒܪܵܝܬܹܗ

ܐܲܬܪܝܼ ܛܠܘܼܠܵܐ ܝܠܹܗ

ܠܵܐ ܢܬܵܪܵܐ

ܡ̣ܢ ܥܲܝܢܵܐ ܕܲܢܫܝܼ ܠܵܗ݁

ܠܕܸܡ̈ܥܵܗ݁

(ܘܲܩܒܹܐ ܠܵܗ݁ ܒܕܸܡܵܐ)

.ܡ̣ܢ ܝܲܬܝܼܪܘܼܬ ܐܝܼܬܘܼܬܲܝܗܝ

ܐܲܬܪܝܼ ܝܲܢܘܼܣܩܵܐ(14) ܝܠܹܗ

(15)ܕܕܵܡܹܟ̣ ܥܲܠ ܪܨܝܼܦܵܐ

ܘܠܵܐ ܡܬܲܩܬܸܩ ܠܬܲܪܥܵܐ

.(16)ܕܠܵܐ ܦܵܬܹܚ ܠܹܗ ܫܘܼܝܵܫܵܪܵܐ

ܐܲܬܪܝܼ ܒܵܒܵܐ ܝܠܹܗ

(18)ܕܚܵܪܹܬ(17) ܠܠܲܝܬܵܝܘܼܬܵܐ

.(19)ܕܚܵܨܹܕ ܠܵܗ݁ ܛܘܼܠܡܬܵܐ

(20)ܐܲܬܪܝܼ ܐ݇ܬܵܝܬܵܐ ܕܚܲܨܵܐ ܝܠܹܗ

ܕܕܵܥܹܬ ܠܵܗ݁ ܩܲܝܘܼܡܵܐ

ܒܩܲܒܵܐ(21) ܕܐܲܪܡܲܠܬܵܐ

ܕܠܲܝܬ ܠܵܗ݁ ܛܘܼܠܡܵܐ ܕܡܲܐܟ̣ܠܵܐ ܠܝܲܬܘܼܡܵܗ݁

ܘܦܸܫܚܵܐ ܝܠܹܗ

ܕܦܵܬܹܚ ܠܲܝܗܝ ܐܲܩ̈ܠܹܗ

ܠܟܠ ܡ݁ܢ ܕܙܵܒܹܢ ܠܹܗ ܛܘܼܠܡܹ̈ܐ

.(22)ܒܕܵܘܒܹܗ

ܐܲܬܪܝܼ ܓܠܘܼܠܘܼܬܵܐ(23) ܝܠܹܗ

ܓܲܪܒܝܵܗ݁: ܪܵܘܹܐ ܪܒ̣ܝܼܨܬܵܐ(24) ܒܹܝܬ ܚܲܫܵܐ ܠܡܵܘܬܵܐ

ܘܦܸܢ̈ܝܵܬܵܗ݁ ܐ݇ܚܪܹ̈ܢܵܬܵܐ

.(25)ܬܵܘܬܵܒ̣ܘܼܬܵܐ

ܐܲܬܪܝܼ

ܦܵܬܘܿܪܵܐ ܕܦܲܛܒ̣ܵܓܹ̈ܐ(26) ܝܠܹܗ

ܕܠܵܐ ܝܠܲܝܗܝ ܣܒ̣ܵܥܵܐ ܣܪ̈ܝܼܚܹܗ

.ܘܲܨܪ̈ܝܼܟܹܗ(27) ܕܡܵܟ̣ܵܐ ܝܠܲܝܗܝ ܟܦܝܼܢܹ̈ܐ

ܐܲܬܪܝܼ ܬܘܼܬܹ̈ܐ ܣܡܘܿܩܹ̈ܐ ܝܠܹܗ

ܕܐܵܟ̣ܠܸܬ ܠܲܝܗܝ

ܐܵܦܸܢ ܕܣܲܪܒܸܝܝܼ ܠܹܗ ܦܘܼܡܘܼܟ̣ ܒܕܸܡܵܐ

،ܘܲܣܦܲܪܸܓܠܵܐ ܝܠܹܗ

ܟܡܵܐ ܕܗܵܘܹܐ ܚܸܠܝܵܐ

.ܗܲܪ ܐܝܼܬ ܒܹܗ ܡܲܪܝܼܪܘܼܬܵܐ

ܐܲܬܪܝܼ ܫܓ̣ܝܼܪܬܵܐ(28) ܝܠܹܗ

ܝܵܕܥܸܬ ܒܩܵܛܠܵܐ ܠܘܼܟ̣

ܐܝܼܢܵܐ ܒܸܕ ܡܬܲܢܬܸܢܸܬ ܠܵܗ݁؛

ܟܠܲܢ ܡܬܲܢܬܘܿܢܹܗ ܝܘܸܚ

ܘܩܵܐ ܗܵܕܟ̣ܵܐ ܝܠܹܗ

.ܩܪܝܼܡܵܐ(29) ܒܬܸܢܵܐ

1. Inhale 2. Exhale 3. Sigh 4. Pleasant Breeze 5. Sultry Heat 6. Friday Sermon 7. Glans 8. His erection 9. Wretched 10. Sabbath meal 11. Synagogue 12. Heavy rain 13. Slaughter houses 14. Infant 15. Pavement 16. Politician 17. Tills 18. Nothingness 19. Loaf 20. Ejaculation 21. Womb 22. Semen 23. Compass 24. Squeezed 25. Diaspora 26. Delicacies 27. Wretched 28. Cigarette 29. Wrapped.