節目顧問
陳雷
本名吳景裕
- 工作經歷：1965年赴美國擔任實習醫師；1966-1971赴加拿大完成免疫學博士；1971-72年在英國繼續免疫學硏究；1973年起在加拿大擔任執業醫師至今。
- 寫作經歷：1982-1985年以中文書寫228事件長篇小說《百家春》；1986年寫作《台灣文學發展ê下一個階段》及台文短篇小說《美麗ê樟腦林》，往後以漢羅台文寫作，包括詩、散文、小說、戲劇與評論文等共計數百篇作品；2005年完成長篇小說《鄉史補記》；2013年出版《陳雷短篇小說集》共5集。
推薦的話
戀戀曾文溪電台製造ê 廣播劇藝術水準足koân ，人人呵咾。特別是伊用台語文學改編ê 劇，kā 台語文學提高到新ê 聲kap 畫ê 境界。
今年戀戀曾文溪電台有製造新ê 系列【 陳雷短篇小說】。內容真多樣，有作賊ê，愛情ê，悲傷ê， 白色恐怖ê 故事，科學幻想….種種。希望你看了，會對台灣文學進一步了解，欣賞 。
今年8 月tī 成功大學kap 高雄文學館beh 辦台灣文學節。應該是世界第一擺這款文學節。咱戀戀曾文溪電台製造陳雷小說系列，拍頭陣搶頭彩， 恭喜！
蕭藤村
- 嘉義市文獻委員會委員
- 《臺灣閩南語常用詞辭典》編輯委員會審查人員
- 幼穎兒童臺語文學首席顧問
- 台灣歌仔冊學會理事長
陳雷臺語真端的
陳雷臺語真端的，漢字欲寫無夠額，若無白話足刺疫，寫去媠氣袂碰壁。
Tân-lûi tâi-gí chin toan-tiah,hàn-jī beh siá bô kàu-gia̍h,nā bô pe̍h-ōe chiok chhiah-ia̍h, siá khì súi-khùi bē pōng-piah.
《陳雷短篇小說集》用咱人口語化的母語來寫作，重新起造咱的集體記持，予咱感覺特別親切，深入koh直接，嘛表現臺語文學的特色、優點佮發展的活力。
陳雷先生用漢字佮白話字來寫作，文筆完全自由，ē-tàng 照感覺、感受實在來寫作，又koh徛佇平埔族的立場，補添臺灣làu-kau去的歷史。
遮的小說攏牽涉著過去咱人的經驗，描寫的對象佮範圍真闊，會使看做是近代臺灣社會人情的素描佮chhiō影。
曾文溪電台有心推捒正範的臺語廣播劇，選擇《陳雷短篇小說集》做題材，正經是缺喙--ê食蜊仔肉──峇峇峇。
李勤岸
- 1951 農曆8月初6出生台南新化(大目降)貧農家庭，本名李進發
- 1979 東海大學外文系畢業
- 1986 美國 Oklahoma City University 英語教學碩士畢業，獲高等榮譽獎（High Honors）任教國立中山大學英文系
- 2000 美國夏威夷大學語言學博士畢業
- 2004 任教國立台灣師範大學台灣文化及語言文學研究所、獲第十二屆南瀛文學傑出獎
- 2007 擔任國立台灣師範大學台灣文化及語言文學研究所所長
- 2008 《海翁台語文教學季刊》創刊，擔任總編輯
- 2011 台灣師範大學台灣語文學系成立，擔任第一任系主任
- 2014 擔任台灣師範大學文學院副院長
- 2019起 擔任《海翁台語文學》總編輯
- 2021 獲教育部本土語言傑出貢獻獎、擔任公共電視台語台諮詢委員
- 2022 國立中正大學台灣文學與創作應用研究所退休
陳雷迷人ê魅（bī）力
我替陳雷這部短篇小說集寫序ê時，我講陳雷ê小說是「淬練ê水晶」。確實有影，每一篇短篇是一粒水晶，每一本就是一个水晶宮。5本疊做伙就是一座水水晶城。
講陳雷ê小說敢若水晶，有幾个理由：
第一、伊ê台語有夠媠。伊是阮這沿ê台南麻豆人，伊ê台語應該是目前台灣ê台語作家內底上端的ê。保留上濟正港台語氣ê台語特別詞。這款台語編做台語劇上蓋合軀。
第二、陳雷每一篇小說ê故事性真飽足，也就是講伊ê小說真有戲劇性，真合廣播劇演出，一定逐篇lóng真吸引聽眾，hōo逐人聽kah耳仔phak-phak。
第三、陳雷ê小說lóng有議題性，每篇ê主題清清楚楚，lóng有伊ê社會批判意涵。
第四、陳雷ê筆法lóng真趣味，bē焦燥，hōo你感覺真心適，koh真感動。沿仔笑沿仔流目屎。
鄭良光
- 1991台文通訊創辦人
- 2017台語文化大使命基金創設人
- 2022台灣文化論壇發起人 2022
- 現任：美國台灣人聯合基金會前會長現任理事、美國南灣基督長老教會長老
曾文溪廣播電台講陳雷文學
第一遍讀著陳雷文學是佇1992年北美台灣公論報， 彼時伊 ê筆名號做陳雷公，sûi拍電話去報社探聽陳雷公是何方神聖。
無外久， to̍h 收著ùi加拿大寄來 ê一個包裹， 內面藏一本173頁未出版 ê 陳雷文學選集手抄本。 內面ê 文字kap故事袂輸是魔神仔， kā 我 giú-giú--khì， 做一khùn讀了了。
見若聽人講台語文學歹讀， 我攏感覺真奇怪， 敢會是in ê 台灣經驗 kap 我無仝？ 抑是 in 台語思考 ê 能力已經退化？ 或者kan-na是因為台語文字符號 ê 關係？
真歡喜曾文溪廣播電台beh kā陳雷文學再創作， 改做用聲音表演 ê 台語文學廣播劇。 Chia ê 台灣故事一定會真好聽，真期待！
鄭雅怡
- 學歷：1981-1985台灣大學外文系；1986-1988 The University of Michigan, Ann Arbor (碩士 M.A. in journalism)；2004-2008成功大學台灣文學研究所 (碩士 M.A.)；2007-2008行政院客家委員會客語初級、中級認證考試通過、高雄市中小學客語教師認證考試通過；2008-2017台灣師範大學台灣語文學系（博士 Ph.D.）
- 經歷：1992-1993民眾日報編譯、高雄及台南第四台編譯及記者；1999-2010高雄第一科技大學等多所大學之英文或台語課程兼任講師；2008-2009；國科會「多語文化及語言政策圖書計畫」兼任助理；2009-2010國科會「荷治時期手稿探討計畫」兼任助理；2011-2012國科會「楊秀卿唸歌數位典藏計畫」兼任助理；2014迄今高雄師範大學台語師資認證班講師。
- 碩士論文：陳雷台語作品e去殖民精神-用《鄉史補記》做中心
推薦的話
曾文溪電台紹介咱台南人陳雷ê小說, 這是chiâⁿ 值得聽ê節目。
陳雷是現此時台灣上蓋重要ê 一個台語作家, 伊ê 作品m̄-niā chē, 質 koh chiâⁿ chiâu-ûn, chiâⁿ 好, 也包含chē-chē-款, 有詩、散文、劇本 kap 小說, 其中上蓋傑出--ê, 就是小說。陳雷ê 文筆束結、樸素, m-koh chiâⁿsúi, 表現台語ê 特色和美感。
Koh-khah 有價值--ê, 就是陳雷ê 小說真chē 篇寫tio̍h 228, 白色恐怖, 以及1950, 60年代咱ê 序大、前輩 ê 生活kah 經驗, hō͘ 讀者對台灣早前ê社會kah歷史,有較深落ê了解。Siâng時,伊 mā 寫tio̍h 工業化、資本化了後ê台灣社會. 陳雷 對台灣, 對人性ê 觀察非常深入 koh 幼路, mā chiâⁿ 有見解, 體現深沈ê 感情、思想和台灣人ê精神, 所致讀伊ê 作品 tiāⁿ-tiāⁿ 會有chiâⁿ 大ê 感動。
Góa 個人認為, 陳雷是台灣所有ê作家中間, 上蓋有資格the̍h No͘-bé-luh-賞 (諾貝爾獎）--ê. 請咱ta̍k-ê 做伙來收聽陳雷小說ê 節目, kā 咱台南人ê 優秀ê作家捧場！
陳慕真
- 學歷：國立臺灣師範大學臺灣語文學系博士（2016）、國立成功大學臺灣文學研究所碩士（2006）
- 經歷：國立成功大學台灣文學系助理教授 （2021- ）、國立臺灣文學館助理研究員（2006-2021）
- 研究領域：台語白話字文獻研究、台語文學、客語文學
推薦的話
陳雷是當代台灣文學重要ê小說家，伊ê文學hō͘ lán聽著台語ê聲嗽、鼻著土地ê芳味、看著台灣人經歷大時代ê苦痛kap勇氣，嘛hō͘ lán感受著台灣人ê人情味。
曾文溪廣播電台用心製作ê「陳雷小說廣播劇」，是台灣文學轉譯ê實踐，這个節目kā陳雷ê文學sak到全新ê境界，hō͘ lán會當「聽」著媠氣、活跳、精彩ê陳雷文學世界。推薦ta̍k-ke來收聽！
節目來賓
宋澤萊
本名廖偉竣，台灣作家，雲林縣二崙鄉大義村的詔安客家人，國立台灣師範大學歷史系學士、國立中興大學台灣文學研究所碩士，現為國立成功大學台灣文學系博士生。曾任教於彰化縣福興國中，也曾獲吳三連文學獎、吳濁流文學獎、時報文學獎小說推薦獎、聯合報小說獎等獎項。
陳雷的小說為什麼適合以廣播劇播出？
陳雷小說廣播劇節目，即將於7閱30日在曾文溪電台開播，這是一個好消息。
我想陳雷的小說在台語文學界已經有一定的名氣，多數人都認為陳雷是台語小說界最重要的作家之一；不過儘管如此，一般的台灣民眾還是不明白台灣有這麼一個重要的作家。現在借著曾文溪電台的廣播，就可以把陳雷的作品介紹給民間的大眾了。
陳雷的小說作成廣播劇有幾個優勢：
1. 他使用了道地的台灣話寫小說，不論是作者的敘述文字或角色的對白，都相當口語化，念起來琅琅上口，廣播時必定更加生動。
2.他的小說技巧高超，故事的戲劇性很強，情節的安排能緊緊吸引我們的注意力；人物塑造栩栩如生，好像就是我們的隔壁鄰居；事件的場景往往就是離我們不遠的地方，能讓人倍感親切。這些都很適合用廣播來呈現。
3.他的小說內容往往具道德性，對於人世間的公平正義有一定的堅持，同情下層社會人物，勸人去惡就善，這些也都很切合廣播節目的目的。
4.他的小說發揚了台灣本土意識，讓人能重視故鄉，愛護這塊土地，這就更合乎廣播的宗旨了。
因此，我要祝福陳雷小說廣播劇節目播出成功，能在大眾當中造成極大的轟動！
呂美親
- 學歷：清華大學台灣文學所碩士，日本一橋大學言語社會科博士。
- 經歷：現任台灣師範大學台灣語文學系助理教授。
- 著作：台語詩集《落雨彼日》（2014）；曾參與製作賴和文學音樂專輯《河》（2005）、編譯《漂泊的民族：王育德選集》（2017）、共編《台語文運動訪談暨史料彙編》（2008）、《奇異果版高中台語課本》（2022），主編《台語現代小說選》（2022）
- 主要研究領域為台灣世界語運動史、東亞語文改革運動、台語文學等。
推薦的話
陳雷先生gâu寫鄉里故事、民間ê怪談，也結合政治kah及社會事件來批判當局ê施政。Tsiânn濟作品以白色恐怖做背景，小說ê主角較濟是基層出身，kā戒嚴時代ê恐怖勢力伸去到民間社會每一角勢ê現實挖甲真深入，予咱知受烏暗崁牢ê所在比咱想ê閣較闊，閣較貼底。
陳雷也tī小說內面沓沓滴滴寫出對親人kah故鄉台灣ê數念。伊長期以來ê書寫主題直直行向一个明確ê目標，就是重新起造原底濟濟蹛佇嘉南平原ê西拉雅族ê平埔族認同。尤其2008年出版ê《鄉史補記》，通講是頭一部台語大河小說。作品ê時間迒過清國時代、日本時代到戰後ê國民政府時期；故事咧講長期以來被漢化ê西拉雅族，tī經過外來者ê壓迫，以及語言文化等等tī政權交替予人一重一重剾掉去，紲來漸漸「改頭換面」變成做咱今仔日所謂「台灣人」ê過程。小說描寫遮ê西拉雅族tuì予人滅族到重新走揣認同ê跤跡，這也是作者以平埔族ê觀點來重頭起造台灣史觀ê實踐。
蘇正玄
- 台南善化人
- 1971年去美國讀冊，1974年移民加拿大，食電腦方面ê頭路。長期參與多倫多台灣人社區ê事工，擔任過同鄉會、FAPA、人權會...等等社團ê職務。
- 1994年開始接觸著台語文
- 1999年到2011年期間，參與《台文通訊》ê編輯khang-khòe，做過總編輯。
推薦的話
戀戀曾文溪電台預定今年7月底開始，beh kā陳雷ê短篇小說改編做廣播劇，分36集播出，che是一个真好ê消息。
陳雷本名吳景裕，是一位家庭醫生，今年tú-chiah退休。伊tùi 1986年開始台語文學寫作，作品有詩、散文、小說、戲劇、kap論說。伊攏總寫130外篇短篇小說、5篇中篇小說、kap 1篇長篇小說。大部份ê短篇小說，攏bat刊tī《台文通訊》。
陳雷長期tòa tī加拿大，m̄-koh對台灣猶原非常關心，伊kā這份感情表現tī伊ê作品內底。伊ê小說差不多攏是teh寫台灣人ê代誌。伊用ê語言是真súi koh純正ê台語。伊ê作品範圍真闊，有人道精神，經常批判不義ê政權kap變態ê社會，對抗暴力kap壓迫，是台灣文學ê經典之作。
感謝戀戀曾文溪電台團隊為著推sak母語所做ê努力，這擺kā陳雷ê台語文學作品用廣播劇ê方式介紹hō͘聽眾，值得大大ê推薦。
張秀滿
台南人，tī府城台南讀冊、成長。成功大學化學系畢業。1990出國來多倫多，從事財務相關ê khang-khòe。長期參與台灣人社團ê活動，bat擔任北美洲台灣婦女會會長。
1995年開始tòe 陳雷老師學台語文。原本伊講真濟華語，因為寫台文，學會曉用台語思考，台語才愈講愈順。1999年伊受邀請加入《台文通訊》編輯組，bat做過總編輯。目前猶原負責多倫多台灣語文中心。
推薦的話
真歡喜聽著”戀戀曾文溪電台”選36篇陳雷ê 小說beh 編著廣播劇播出。
熟似陳雷將近30冬，伊是一個開業醫師。逐日天未光tō起床，開始寫作。伊講透早伊ê頭腦上清楚。就按呢，伊kā 放tī心內ê故事，一個一個寫--出-來。寫出故鄉ê風景， mā寫出故鄉ê人情事物。伊寫作ê功夫真好，雖然是短短ê故事，用簡單ê對話直接切入主題，真有畫面。
曾文溪電台，培訓很濟專業ê聲音工作者。透過聲音一定會當予陳雷ê故事活--起-來。真期待這36集ê廣播劇播出!
沈逢吉
- 96-99年雲林縣台語文研究學會理事長
- 91-105年國小台語教學支援教師
- 105-108年台灣歌仔冊學會理事長
推薦的話
陳雷小說真實在，選入曾文溪電臺，臺語話劇起風颱，聽友福氣相紲來。
陳雷本身是醫生，母語文學誠才情，漢字羅馬配合用，生活寫真明明明。
陳雷先生本身是醫生，醫生看診觀察入微的職業習慣，累積伊對人性有深層的體會，所以會當寫作真幼路的庶民生活描寫，尤其是低層弱勢的心理。
陳雷毋但精通臺灣話的漢字書寫，也熟似羅馬字音，拄著「擬聲擬態」的話詞，會用羅馬音代替漢字來表達。以漢字為主，兼用羅馬標音，漢羅並用充分發揮漢字表意、羅馬字標音的特色佮功能，致使文筆寫實紲拍袂頓蹬，故事讀來真實在，親像咧講發生佇咱身軀邊的代誌。
讀《陳雷短篇小說集》有真自然、親切的感受，改編的臺語廣播劇，也發揮陳雷小說樸實寫真的特色佮感情。
鄭佩雯
- 出生艋舺、現居府城
- 國立成功大學中文系畢業
- 現任臺南市葫蘆巷讀冊協會第6屆理事長、大臺南文化研究員/府城漢藥店帶路人/臺南社大講師。
- 著作《走在臺灣奇蹟之前―臺南歷史名人誌#經濟類》、《白袍與工程帽―臺南歷史名人誌#醫療及技術類》，合著《臺南嫁娶禮俗研究》、《臺南府城漢藥店誌》、《揮別傷痛，迎向重生：0206臺南大地震全紀錄》（三書分獲國史館臺灣文獻館「109、108、107年度獎勵出版文獻書刊」推廣性書刊佳作獎）。
推薦的話
阮這輩是會曉開喙講淡薄仔台語，毋過袂曉攑筆寫媠氣台文的六年級生。
因為曾文溪廣播電台配音研習活動，認捌著陳雷老師的作品，伊數十年來堅持用台語文書寫，使人欽佩。而且佇伊的小說，咱會當看著1960年代以後的台南地景/風俗，嘛會當聽著阿公阿嬤彼輩的氣口聲嗽，關廟腔的“tah”、歸仁腔的“shia”，真正誠有親切感。
台南過去有誠濟位醫生前輩佇in的專業以外，嘛足有文采，親像顏振聲寫教會醫療史、黃金火寫台語流行歌詞、韓石泉寫醫病隨筆、沈乃霖寫文史田調等等，陳雷參in攏有仝款的社會關懷佮人文精神，毋過陳雷書寫的主題佮類型又擱更加豐富。
向望透過戀戀曾文溪台語廣播劇，將陳雷老師紹介互大家熟似，嘛會當互濟濟的台語種籽傳湠落去。
紀品志
理工科出身，後來接觸著台灣語言研究，轉讀語言學。這陣teh做口筆譯、語言學、語言教學ê khang-khuè。捌做過「世界台灣文化論壇：台灣文學欣賞會」共同發起人兼主持人、《台文通訊：30冬紀念特刊》共同編輯、多倫多台灣語文中心講師，編過外國學生ê台語教材，兼一寡台語文計畫、校編、種種散工。
推薦的話
陳雷用台灣人ê母語，講台灣人ê代誌，寫kah足真、足活。有ê故事讀著會愛笑、毋甘、流目屎，有ê hōo人感慨、深思。伊久年tuà tī海外，毋過逐篇作品攏有對台灣社會切實ê描寫，也看會著伊對台灣文化ê疼心。
陳雷捌講伊文學ê養分有兩項：「台灣人百樣ê人情事故」kap「對台語ê把握，了解台灣話幼路ê藝術性kap音樂性」。伊ê創作m̄-nā是台語文學ê經典，也是台灣文學ê代表，向望有koh-khah濟人來欣賞。
Tann曾文溪電台beh uì陳雷短篇小說選36篇來編做廣播劇，是一項thang大大歡喜、贊聲ê代誌。戀戀曾文溪ê團隊tsiânn用心，做過真濟台語廣播劇，節目品質好、水準kuân，捌得著廣播金鐘獎肯定。上讚ê台語故事，有高水準ê團隊相thīn，製作一定足精彩，真期待！
代表人
A-koan
Làu台語-瑞士ê台語社 做穡人
推薦的話
2021 瑞士正--月，雪，無聲無說 lo̍ h，窗外遠遠 ê 山崙、近近 ê 花草 lóng hō͘ 這領白白綿綿 ê 被幔--leh。Kā《鄉史補記》掀 khui 讀，一下 á 就 hō͘ 陳雷 sian chhōa 轉去到 200 冬前熱 hut-hut ê 台南。Cheng-piàng 賊燒金紙出搶、陳鴨大戰猫 á、天送展功夫。現現 tī 我面前，活跳跳！我 m -nā 看 tio̍ h in，聽 tio̍ h 聲、鼻tio̍ h 味，ná 伸手就摸會 tio̍ h。過去 m -bat kā 規本小說讀 liáu ê 我，chit-má soah去 hō͘這台文冊 saⁿh--tio̍ h，停 bē 落--來。原來，阿公阿媽 kap 我講 ê 話，變做文字是 chiah-nī-á 媠！
辦「台語文學創作課程」，學習陳雷 sian 寫作 ê 藝術。招人來「陳雷台語文學讀冊會」，連 Sian--ê to kap gún 做伙讀冊。長篇鄉史補記讀 liáu，接紲讀短篇小說 5 本。Jú 了解 jú 想講，chiah 讚 ê 台灣文學作品，哪會無人改編做廣播劇、戲劇。寫批 hō͘政府 ê 電台，建議電視公司、戲劇團，lóng 無結果。讀冊伴規氣ka-kī 來做【文學 Tân 雷公 Podcast】，ùi 鄉史補記開始，編劇本、聲音演出、配音配樂、剪輯，自 bē 曉 tau̍ h-tau̍ h-á 摸，pìⁿ 到出品。
今年聽 tio̍ h 戀戀曾文溪 ê 廣播劇 beh poaⁿ 陳雷 sian 36 篇短篇小說，真歡喜。過去「台語文學廣播劇系列」、 「78 轉音樂廣播劇」lóng 做 kah 真用心，幼路koh 豐沛。專業 ê 廣播團隊會 sái 有效率 kā 陳雷 sian ê 著作緊傳播出去，hō͘大眾接觸 chiah-ê 精彩故事，siâⁿ 閣較 chē 導演編劇來做影視戲齣。甚至來參加 2023陳雷 Tâioân 文學節、好奇來讀陳雷 sian ê 台文作品。有讀--過就知，kō͘正港台灣話文來認捌 ê 台灣，kap 中國文描寫 ê 台灣，有 jōa-á-nih 無 kâng！
Credits:
陳雷 (吳景裕)自畫素描