2022-ci il Bakı və Yerevanda

Baki

Bakıda iki ildən sonra yenə də ənənəvi “Soyuq əllər – isti ürəklər” Yeni il yarmarkası açılıb. Şəhərə pandemiyadan əvvəlki təlaş qayıdıb.

Bu il yarmarkadakı şam ağacı “brendləşdirilib”, amma bu, onu daha az populyar etmir

Fəvvarələr Meydanında Şaxta Baba və Qar Qızdan fərqli olaraq “Maşa və ayı” cizgi filmindən Maşa ilə il boyu şəkil çəkdirmək mümkündür, odur ki, mövsümün əsas ikilisi ilə şəkil çəkdirmək istətəyənlər daha çoxdur

Üzərinə boşqablar yapışdırılmış böyük kub Yeni il arzuları üçün nəzərdə tutulub, amma kim nə istəyirsə, onu da yazır – adlarını, məktəblərinin nömrəsini, “yazdığımı pozmayın” məzmunlu ricalar. Dərhal bəlli olur ki, insanların deməyə sözü var – “arzu kubu”nda artıq boş yer qalmayıb

Əsasən yarmarkada yerli istehsalçılar təmsil olunub. Burada hər şey satılır, nə istəsən – qızarmış kartofdan yuyucu toza qədər

Yeni il atmosferinin əsas şərti işıqlandırmadır. Odur ki, hətta istirahət günlərində də axşam və gündüz izdihamın sıxlığı fərqli olur

Bakıda şabalıd və kartof yarı-rəsmi bayram təamına çevrilib

Hətta bütün bu yeni il “səs-küyünü” sevməyənlər də karantin zamanı etiraf edirdilər ki, Yeni ildə şəhəri boş görməyə alışmayıblar və bu, xoş deyil. Budur, bayram geri qayıdıb

Bu günlərdə sosial şəbəkələrdə fərqli fikirlər də səslənir: “Az əvvəl müharibədə üç minə qədər şəhid vermiş bir ölkəyə “xristian” Yeni ilini qeyd etmək yaraşmaz”. Amma qızğın tənqidlər bu cür fikirlərdən az deyil

YEREVAN

Yerevanda Yeni il günləri hər yanda olduğu kimi təlaşlıdır – insanlar alış-veriş etməyə tələsir.

2021-ci il Ermənistanda ağır il kimi xatırlanacaq. Ölkə Azərbaycanla 44 günlük müharibədən (27 sentyabr – 9 noyabr) sonra çətinliklə özünə gəlir, onlarla əsgər əsirlikdə qalıb. Amma Yeni ili qeyd edərkən hamı onun dinc, xeyirli keçməsini istəyir

Yerevanın ən populyar suvenir mağazalarından birində adam əlindən tərpənmək olmur

Mağazaları gəzməkdən yorulanlar kafelərdə nəfəslərini dərirlər

Dostlar və doğmalar üçün hədiyyə seçimi emosional məşğuliyyətdir. Yerevanın mərkəzindəki bu “optika”da qadınlar üçün eynək çərçivələri satılır, alıcılar isə ancaq kişilərdir

Abovyan küçəsindəki Müqəddəs Anna kilsəsinin yanında Yeni il və Milad bayramı ərəfəsində İsa Məsihim doğulması səhnəsi canlandırılır

Opera Teatrının binası yanında Qu gölündə buz meydançası var

Hətta sarı rəngli köhnə sovet “Zaporojets”inin yük yerində də suvenir satılır

Yerevanda yeni il ərəfəsində yarmarka təşkil olunması ənənəyə çevrilib, orada yerli istehsalçılar öz məhsullarını satırlar. Bu yarmarkalar həmişə çox uğurlu olur

Yeni iliniz mübarək!

Created By

Trayektoriya Insanlar. Hekayələr. Münaqişələr

Appreciate

Credits:

Trayektoriya. Insanlar. Hekayələr. Münaqişələr