სოციალურ ქსელში ხშირად შეხვდებით გამორჩეულ უკრაინელ სპორტსმენებზე ინფორმაციას, თუ როგორ მიატოვეს კარიერა და იარაღით ხელში სამშობლოს სადარაჯოზე დადგნენ. დღევანდელ რეალობაში, რა თქმა უნდა, მსგავსი საქციელი გმირობის ტოლფასია, ისევე როგორც თითოეული უკრაინელის. დღეს ვისაუბრეთ დაწყებული მძიმე წონაში კრივის ჩემპიონიდან დამთავრებული "არსენალის" ფეხბურთელით, რომლებმაც ჯარისკაცის ფორმა ჩაიცვეს და საკუთარი ქვეყნისთვის რუსეთის წინააღმდეგ ბრძოლა დაიწყეს.
ენტონი ჯოშუას დამმარცხებელი და 2 წონით კატეგორიაში მსოფლიოს ჩემპიონი, ოლექსანდრ უსიკი სამშობლოში დაბრუნდა და კიევის სადარაჯოზე იარაღით ხელში დადგა. ათლეტის თქმით, ახლა რინგზე დგომა და ქამრისთვის ბრძოლა ნაკლებ მნიშვნელოვანია, ვიდრე ქვეყნისთვის და პატივისთვის. სხვათაშორის, უკრაინელი მებრძოლი ჯოშუასთან რემატჩის მოლაპარაკებებს აწარმოებდა, მაგრამ ვარსკვლავების რინგზე გამოსვლა გაურკვეველი ვადით რუსეთის ფართომასშტაბიანმა ომმა გადადო.
როგორც კიევის მერმა, 50 წლის ვიტალიმ განაცხადა, რუსების მთავარი სამიზნე უკრაინის დედაქალაქის აღებაა. გარკვეული პერიოდის წინ უფროსმა ძმამ მოქალაქეებს თავშესაფარში დარჩენისკენ მოუწოდა, რადგან ბრძოლა დრო და დრო მძაფრდებოდა და ხალხის უსაფრთხოებაც მაქსიმალურად უნდა ყოფილიყო დაცული.
"ჩემმა შვილმა დამირეკა და მითხრა, რომ რუსები თავს დაესხნენ, მაშინ მივხვდი, რომ სამშობლოში საბრძოლველად უნდა წავსულიყავი. გუნდთან ერთად ვიყავი, რუმინეთში ჩავფრინდით, შემდეგ ავტობუსით ტირასპოლში ჩავედით, შაბათს დილით უკვე უკრაინაში ვიყავი, კვირას კი ჯარშიც ჩავირიცხე. გზა 11 საათს გაგრძელდა, მაგრამ ვერ ვიტყვი, რომ მგზავრობა რთული იყო"
34 წლის მსუბუქი წონის ერთ-ერთი საუკეთსო მოკრივე შესაშური კარიერული მიღწევებით (2-ჯერ ოლიმპიური ჩემპიონი) დღეს იარაღით ხელში გმირულად იბრძვის. მისი კარიერა მეგობარ უსიკის მსგავსად გაურკვეველი ვადით შეჩერდა, არადა მიდიოდა საუბარი მისი თითქოს და მსუბუქი წონის აბსოლუტურ ჩემპიონთან, ჯორჯ კამბოს უმცროსთან დაპირისპირებაზე.
"ისევე როგორც ყველა გმირი უკრაინელი, ახლა მეც ჩემს ქვეყანაში ვარ და ვიცავ საკუთარ მიწას. ტერიტორიულ თავდაცვის ძალებს უკვე შევუერთდი. სიტუაცია ძალიან დაძაბულია, სირენის ხმა ხშირად ისმის. ხალხი შეშინებულია, ბავშვები და ქალების უმეტესობა ვერ ხვდებიან რა ხდება... ქალაქები მიწასთანაა გასწორებული, მოსახლეობა გათბობის, ელექტროენერგიის, სასმელი წყლისა და საჭმლის გარეშეა დარჩენილი, მიუხედავად ამისა, ჩვენი მოსახლეობა ისეა გაერთიანებული, როგორც არასდროს. ბოლომდე ვიბრძოლებთ და არ დავნებდებით, ყველანი ვცდილობთ მაქსიმუმი გავაკეთოთ"
"ჩვეულებრივად, როდესაც დაპირისპირებას წააგებ, რევანშის შანსი გეძლევა, მაგრამ აქ არა, ნებისმიერ მომენტში შეიძლება მოკვდე, ეს არ არის მხოლოდ შენი ცხოვრება, ფაქტობრივად, ოჯახი შენზეა დამოკიდებული, ასევე გარკვეულწილად შენი ქვეყნის მომავალიც. ძნელია გადმოგცეთ ის ტერორი, რაც უკრაინაში ხდება. ალბათ აქ უნდა იყოთ, რომ გაიგოთ რა მასშტაბებზეა საუბარი, უდიდეს ტრაგედიასთან გვაქვს საქმე" - განაცხადა ბელენიუკმა Guardian-თან ინტერვიუში.
"ეს ჩემი სახლია, ჩვენ უკრაიანს ერთად დავიცავთ. მადლობა და ჩემგან უდიდესი პატივისცემა ცნობილ და არამხოლოდ ცნობილ ადამიანებს, რომლებიც სამშობლოში დარჩნენ. ვამაყობ იმით, როგორც გაერთიანდა ჩემი ქვეყანა შეშლილი დიქტატორის წინააღმდეგ. ფილმის პერსონაჟ "რემბოს" ნამდვილად არ ვგავარ, თუმცა იარაღთან თავს კომფორტულად ვგრძნობ, 25 მეტრიან დისტანციაზე 5 ცდიდან 3-ს მაინც ვარტყამ. სიმართლე ჩვენს მხარესაა, მე კიევში გამარჯვებამდე დავრჩები" - წერს ალექსი.
ნაწილობრივ მომზადებულია sun-ის მიხედვით